ಗಣಪತಿ ಆರತಿಯಲ್ಲಿ ಸಲ್ಮಾನ್ ಖಾನ್‌ಗೆ ಸಣ್ಣ ಎಡವಟ್ಟು! ಅಣ್ಣನಿಗೆ ತಂಗಿ ಅರ್ಪಿತಾ ಕೊಟ್ಟ ಕ್ಯೂಟ್ ಸೂಚನೆ ವೈರಲ್
ಸಲ್ಮಾನ್ ಖಾನ್ ಕುಟುಂಬದ ಗಣಪತಿ ವಿಸರ್ಜನೆ ಸಂಭ್ರಮದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ. ಸಹೋದರ ಸೊಹೈಲ್ ಖಾನ್ ಅವರ ನಿವಾಸದಲ್ಲಿ ನಡೆದ ಗಣಪತಿ ಆಚರಣೆಯಲ್ಲಿ ಸಲ್ಮಾನ್ ಕುಟುಂಬದವರೊಂದಿಗೆ ಭಾಗವಹಿಸಿದ್ದರು.ವಿಸರ್ಜನೆಗೂ ಮುನ್ನ ಸಲ್ಮಾನ್ ಖಾನ್ ಗಣಪತಿಗೆ ಆರತಿ ಬೆಳಗಿದರು.
ಈ ವೇಳೆ ಅವರು ಆರತಿಯನ್ನು ಸ್ವಲ್ಪ ತಪ್ಪು ದಿಕ್ಕಿನಲ್ಲಿ ಮಾಡುತ್ತಿರುವುದನ್ನು ತಂಗಿ ಅರ್ಪಿತಾ ಗಮನಿಸಿದ್ದಾರೆ. ಕೂಡಲೇ “ಭಾಯ್” ಎಂದು ಕೂಗಿ ಸಲ್ಮಾನ್‌ಗೆ ಸೂಚನೆ ನೀಡಲು ಪ್ರಯತ್ನಿಸಿದ್ದಾರೆ. ಆದರೆ ಸುತ್ತಲಿನ ಭಜನೆ ಹಾಗೂ ಜಯಘೋಷದ ನಡುವೆ ಅವರಿಗೆ ಅದು ಕೇಳಿಸಲಿಲ್ಲ.ನಂತರ ಅರ್ಪಿತಾ ಹತ್ತಿರ ಹೋಗಿ ಆರತಿಯನ್ನು ಸರಿಯಾದ ರೀತಿಯಲ್ಲಿ ಮಾಡಲು ಸೂಚಿಸಿದ್ದಾರೆ.
ತಂಗಿಯ ಮಾತನ್ನು ಅರ್ಥ ಮಾಡಿಕೊಂಡ ಸಲ್ಮಾನ್ ನೀಡಿದ ಪ್ರತಿಕ್ರಿಯೆ ಅಲ್ಲಿದ್ದವರ ಗಮನ ಸೆಳೆದಿದೆ.ಈ ಗಣಪತಿ ಸಂಭ್ರಮದಲ್ಲಿ ಸಲ್ಮಾನ್ ಅವರ ಆಪ್ತ ಸ್ನೇಹಿತೆ ಎಂದು ಹೇಳಲಾಗುತ್ತಿರುವ ಇಲಿಯಾ ವಂಟೂರ್ ಕೂಡ ಭಾಗವಹಿಸಿದ್ದರು. ಅವರು ಕೂಡ ನಂತರ ಗಣಪತಿಗೆ ಆರತಿ ಬೆಳಗಿದರು.
ಸಲ್ಮಾನ್ ಅವರ ಕುಟುಂಬದ ಜೊತೆಗಿನ ಈ ಸರಳ ಹಾಗೂ ಆತ್ಮೀಯ ಕ್ಷಣಗಳ ವಿಡಿಯೋ ಇದೀಗ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.
