ಸಿನಿಮಾ ಬೇರೆ.. ಸ್ನೇಹ ಒಂದೇ! ವಿಜಯ್–ಅಜಿತ್ ಭೇಟಿಗೆ ಫ್ಯಾನ್ಸ್ ಫಿದಾ
ಕಾಲಿವುಡ್‌ನಲ್ಲಿ ವರ್ಷಗಳಿಂದ ದೊಡ್ಡ ಅಭಿಮಾನಿ ಬಳಗ ಹೊಂದಿರುವ ವಿಜಯ್ ಮತ್ತು ಅಜಿತ್ ಕುಮಾರ್ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ.
ಆದರೆ ಈ ಬಾರಿ ಕಾರಣ ಸಿನಿಮಾ ಅಲ್ಲ… ಒಂದು ರೇಸಿಂಗ್ ಟ್ರ್ಯಾಕ್‌ನಲ್ಲಿ ನಡೆದ ಅಪರೂಪದ ಸ್ನೇಹದ ಕ್ಷಣ!
ಬ್ರಿಟನ್‌ನ ಸಿಲ್ವರ್‌ಸ್ಟೋನ್‌ನಲ್ಲಿ ಅಜಿತ್ ಕುಮಾರ್ ರೇಸಿಂಗ್ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿದ್ದ ವೇಳೆ, ಅವರನ್ನು ಹುರಿದುಂಬಿಸಲು ವಿಜಯ್ ಅಲ್ಲಿಗೆ ಭೇಟಿ ನೀಡಿದ್ದಾರೆ.
ಅಜಿತ್ ಅವರನ್ನು ಕಂಡ ತಕ್ಷಣ ವಿಜಯ್ ತೋರಿದ ಆತ್ಮೀಯತೆ ಅಭಿಮಾನಿಗಳ ಗಮನ ಸೆಳೆದಿದೆ. ಇಬ್ಬರು ಸ್ಟಾರ್‌ಗಳು ಪರಸ್ಪರ ಅಪ್ಪಿಕೊಂಡು ಮಾತನಾಡಿಕೊಂಡ ದೃಶ್ಯಗಳು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿವೆ.
ಇದಾದ ಬಳಿಕ ಇಬ್ಬರೂ ಪರಸ್ಪರ ವಿಶೇಷ ಉಡುಗೊರೆಗಳನ್ನು ವಿನಿಮಯ ಮಾಡಿಕೊಂಡಿದ್ದಾರೆ.
ಅಜಿತ್‌ಗಾಗಿ ವಿಜಯ್ ನೀಡಿದ ರೇಸಿಂಗ್ ಕಾರಿನ ಮಾದರಿಯ ಗಿಫ್ಟ್ ಮಾತ್ರವಲ್ಲ, ಅದರ ಮೇಲಿನ ಪ್ರೀತಿಯ ಸಂದೇಶವೂ ಇದೀಗ ಚರ್ಚೆಗೆ ಕಾರಣವಾಗಿದೆ.
ಇನ್ನೊಂದೆಡೆ, ವಿಜಯ್‌ಗೆ ಅಜಿತ್ ಕೂಡ ರೇಸಿಂಗ್ ಹೆಲ್ಮೆಟ್ ಉಡುಗೊರೆಯಾಗಿ ನೀಡಿದ್ದಾರೆ.
ತೆರೆಯ ಮೇಲೆ ಇಬ್ಬರಿಗೂ ಪ್ರತ್ಯೇಕವಾದ ಸ್ಟಾರ್‌ಡಮ್… ಆದರೆ ವೈಯಕ್ತಿಕವಾಗಿ ಇಂತಹ ಆತ್ಮೀಯ ಬಾಂಧವ್ಯ!
ವಿಜಯ್ ಮತ್ತು ಅಜಿತ್ ಅವರ ಈ ಭೇಟಿಯ ವಿಡಿಯೋ ನೋಡಿದ ಅಭಿಮಾನಿಗಳು ಮಾತ್ರ, ‘ಇದೇ ನಿಜವಾದ ಸ್ಟಾರ್‌ಡಮ್’ ಎಂದು ಸಂಭ್ರಮಿಸುತ್ತಿದ್ದಾರೆ.
ಸಿನಿಮಾ ಸ್ಪರ್ಧೆ ಇರಬಹುದು… ಆದರೆ ಸ್ನೇಹಕ್ಕೆ ಸ್ಪರ್ಧೆಯೇ ಇಲ್ಲ
