ಬಿಗ್‌ಬಾಸ್ ಮನೆಯಲ್ಲಿ ಶುರುವಾಯ್ತು ಅಸಲಿ ಆಟ..! ಮಂಜು-ಗಗನ್ ನಡುವೆ ಯಾರು ಹೀರೋ, ಯಾರು ವಿಲನ್?
ಬಿಗ್‌ಬಾಸ್ ಕನ್ನಡ ಸೀಸನ್ 13ರ ಮೊದಲ ವಾರವೇ ಸ್ಪರ್ಧಿಗಳ ನಡುವಿನ ಭಿನ್ನಾಭಿಪ್ರಾಯಕ್ಕೆ ವೇದಿಕೆಯಾಗಿದೆ. ಟಾಸ್ಕ್‌ಗಳಿಗಿಂತಲೂ ಇದೀಗ ಮಾತಿನ ಸಮರ, ಟಾರ್ಗೆಟಿಂಗ್ ಮತ್ತು ಗ್ರೂಪಿಸಂ ಆರೋಪಗಳು ಹೆಚ್ಚು ಸದ್ದು ಮಾಡುತ್ತಿವೆ.
ಈ ನಡುವೆ ಮಂಜುನಾಥ್ ಹಾಗೂ ಗಗನ್ ಇಬ್ಬರೂ ಮನೆಯೊಳಗೆ ಪ್ರಮುಖ ಚರ್ಚೆಯ ವಿಷಯವಾಗಿದ್ದಾರೆ. ಆದರೆ ಇಬ್ಬರ ಆಟದ ಶೈಲಿ ಮಾತ್ರ ಸಂಪೂರ್ಣ ವಿಭಿನ್ನ.
ಮಂಜುನಾಥ್ ಅವರ ನೇರ ಮಾತುಗಳು ಕೆಲವರಿಗೆ ಕಿರಿಕಿರಿ ಎನಿಸುತ್ತಿದ್ದರೆ, ಇನ್ನೂ ಕೆಲವರು ಇದೇ ಆಟದ ಶೈಲಿಯನ್ನು ಮೆಚ್ಚಿಕೊಂಡಿದ್ದಾರೆ. ಮನೆಯ ಬಹುತೇಕ ಸ್ಪರ್ಧಿಗಳು ಡಿಪಾರ್ಚರ್‌ ಪಟ್ಟಿಗೆ ಮಂಜುನಾಥ್ ಹೆಸರನ್ನು ಸೂಚಿಸಿದಾಗ, ಅವರು ಅದನ್ನೇ ಸವಾಲಾಗಿ ಸ್ವೀಕರಿಸಿ ಇಡೀ ಮನೆಯ ವಿರುದ್ಧ ತಿರುಗಿಬಿದ್ದಿದ್ದಾರೆ.
ಮತ್ತೊಂದೆಡೆ ಗಗನ್ ಕೂಡ ಒಂದರ ಹಿಂದೆ ಒಂದರಂತೆ ವಿವಾದಕ್ಕೆ ಸಿಲುಕುತ್ತಿದ್ದಾರೆ. ಆಸಿಯಾ ಜೊತೆಗಿನ ಜಗಳದ ಬೆನ್ನಲ್ಲೇ ಇದೀಗ ಕಾವ್ಯಾ ಗೌಡ ಜೊತೆಗೂ ಮಾತಿನ ಚಕಮಕಿ ನಡೆದಿದೆ. ಮನೆಯ ಸ್ವಚ್ಛತೆ ವಿಚಾರವಾಗಿ ಶುರುವಾದ ಗಲಾಟೆ ಪ್ರೋಮೋದಲ್ಲಿ ತೀವ್ರ ಸ್ವರೂಪ ಪಡೆದಿರುವುದು ಕಂಡುಬಂದಿದೆ.
ಇಷ್ಟೇ ಅಲ್ಲ, ಗಗನ್ ಮತ್ತು ತಾಂಡವ್ ರಾಮ್ ನಾಮಿನೇಷನ್ ವಿಚಾರವನ್ನು ಚರ್ಚಿಸಿರುವ ಆರೋಪ ಕೂಡ ವೀಕ್ಷಕರ ಗಮನ ಸೆಳೆದಿದೆ. ಬಿಗ್‌ಬಾಸ್ ಮನೆಯ ನಿಯಮಗಳಿಗೆ ವಿರುದ್ಧವಾಗಿ ನಾಮಿನೇಷನ್ ಬಗ್ಗೆ ಮಾತನಾಡಿದ್ದರೆ, ಇವರಿಗೆ ಶಿಕ್ಷೆ ಏನು ಎಂಬ ಪ್ರಶ್ನೆ ಇದೀಗ ವೀಕ್ಷಕರದ್ದು.
ಒಟ್ಟಿನಲ್ಲಿ ಮೊದಲ ವಾರವೇ ಬಿಗ್‌ಬಾಸ್ ಮನೆಯಲ್ಲಿ ಎರಡು ರೀತಿಯ ಆಟ ಶುರುವಾಗಿದೆ—
ಒಂದೆಡೆ ಮಂಜುನಾಥ್ ಅವರ ರೆಬಲ್ ಆಟ… ಮತ್ತೊಂದೆಡೆ ಗಗನ್ ಅವರ ನಿರಂತರ ವಿವಾದಗಳು.
ಮುಂದಿನ ದಿನಗಳಲ್ಲಿ ಇವರಿಬ್ಬರ ಆಟ ಯಾವ ತಿರುವು ಪಡೆಯಲಿದೆ ಅನ್ನೋದೇ ಈಗ ಕುತೂಹಲ.
